Пад Полацкам вырас грыб-волат

Цяпер яго ўзмоцнена ахоўваюць.

Пад Полацкам вырас грыб велізарных памераў. Зразаць знаходку людзі не сталі, пакуль проста назіраюць, як ён расце, піша tut.by.

Велізарны баравік знайшлі не ў лесе, а ў цэнтры вёскі Заазер'е. Невялікай рулеткі ледзь выстарчыла, каб вымераць акружнасць шапкі. Усяго - 1,3 метра.

Цяпер волата ўзмоцнена ахоўваюць. Кожны вечар хаваюць, каб баравік не стаў чыёй-небудзь здабычай. У выходныя ў раёне будуць зразаць самы вялікі грыб. Гэты - прэтэндэнт на перамогу.

У вёсцы гіганцкія баравікі знаходзяць чатыры гады запар, але гэты пабіў папярэднія рэкорды.