Інфляцыя ў Беларусі не за гарамі

Улады пачалі друкаваць грошы.

Гатовых грошай у абароце стала больш. Паводле падлікаў Нацыянальнага банка шырокая грашовая маса за жнівень павялічылася на 3.2%, паведамляе «Белсат».

Цяпер на руках у беларусаў і ў агульным абарачэнні знаходзіцца 2.8 мільярда беларускіх рублёў. У той жа час шырокая грашовая маса, гэта значыць гатовыя сродкі на руках, а таксама сродкі людзей і прадпрыемстваў на рахунках у банках на 1 верасня склала больш за 40 мільярдаў рублёў.

Павелічэнне аб'ёму валюты ў абароце сведчыць аб тым, што дзяржава пачынае друкаваць новыя грошы. Але для эканомікі гэта не праходзіць бясследна. Так у жніўні, калі павялічылася грашовая маса, пачала расці інфляцыя.