Ротэнберг распавёў аб «хлапечых забавах» з Пуціным

Бізнэсовец заявіў, што ў дачыненнях з ім Пуцін бывае не прэзідэнтам, а чалавекам, знаёмым з дзяцінства.

Бізнэсовец Аркадзь Ротэнберг, кампаніі якога ўзводзілі Крымскі мост, заявіў, што ў дачыненнях з ім Уладзімір Пуцін бывае не прэзідэнтам, а чалавекам, знаёмым з дзяцінства. Пра гэта ён распавёў у інтэрв'ю ў праграме «Дзейныя асобы з Наіляй Аскер-задэ» на тэлеканале «Расія 1», паведамляе РБК.

Ротэнберга спыталі пра ягоныя «кранальныя стасункі» з Уладзімірам Пуціным. «Ён вам то валасы пацерабіў, то па-сяброўску па плячы паляпаў! А астатнія ў ягоным асяроддзі не раўнуюць»?- задала пытанне вядоўца.

«Мы выраслі разам, таму гэта з дзяцінства ў нас засталося. Я не думаю, што гэта ў кагосьці можа выклікаць нейкую рэўнасць. Гэта такія хлапечыя забавы, з таго яшчэ, хлапечага, жыцця. Гэта ні ў якім разе не тычыцца прэзідэнта Расейскай Федэрацыі. У нас такія стасункі з дзяцінства. А прэзідэнт - гэта зусім іншае», - адказаў Ротэнберг.

Журналістка таксама задала пытанне пра паездку Пуціна на грузавіку па Крымскага мосце. «Пакінуўшы аўтамабіль, штосьці вам сказаў, а затым па-сяброўску вас штурхнуў. Вось, магчыма, распаведзяце, што ён вам тады сказаў»? - спытала Аскер-задэ.

«Ну, там нічога асаблівага ён не сказаў, у ягонай жа манеры ён проста пажартаваў і не больш за тое. Але што парадавала - што вось калі пажартаваў, ён наблізіўся, і ў ягоных вачах была такая радасць, і мне было вельмі прыемна, што яму гэта, вядома, дастаўляе велізарную радасць і задавальненне. А так гэта такі чыста жарт, нічога больш», - растлумачыў бізнэсовец.

Пры гэтым ён растлумачыў, што гутарыць з Пуціным на «вы» як з прэзідэнтам, але на «ты» як з даўнім знаёмым. «З прэзідэнтам на «вы», а з чалавекам, з якім я знаёмы з дзяцінства, на «ты», - распавёў Ротэнберг, - было б дзіўна, калі б я яго называў на «вы».

Ён таксама распавёў, што ўжо даўно не выходзіў на дыван як барэц. «Я думаю, што гадоў, напэўна, 15-20 таму», - сказаў Ротэнберг.