Нобэлеўскі лаўрэат прачытае ў Менску лекцыю пра Біблію

Лекцыя пройдзе ўжо ў гэтую нядзелю.

У рамках выставы «Беларусь і Біблія» Менск наведае Кэнэт Брокман, які выступіць з лекцыяй «Біблія і навука». Лекцыя пройдзе ў нядзелю 23 верасня а 15:00 у Нацыянальнай бібліятэцы Беларусі (пр. Незалежнасці, 116). Як піша krynica.info, пра гэта паведамляюць арганізатары.

Кэнэт Брокман - спецыяліст у галіне ядзернай фізікі, які атрымаў Нобэлеўскую прэмію міру ў 2005 годзе ў складзе групы навукоўцаў МАГАТЭ за «меры для прадухілення выкарыстання атамнай энэргіі ў ваенных мэтах».

Лекцыя будзе праходзіць у галерэі «Лабірынт», 3 паверх бібліятэкі, к.345. Падрабязнасці праз тэлефон 8-017-293-27-82.