У чацвер будзе да +28°С

Прагноз надвор'я на найбліжэйшыя тры дні.

20 верасня надвор'е ў Беларусі прадоўжыць вызначаць вобласць павышанага атмасфернага ціску, сфармаваная ў цёплай паветранай масе, паведамляе Гідрамет. Чакаецца пераменная воблачнасць. Пераважна без ападкаў. Уначы і раніцай у асобных раёнах слабы туман. Вецер паўднёва-заходні, заходні слабы. Тэмпература паветра мінімальная ўначы +9..+15°С, месцамі +5..+8°С, максімальная ўдзень +22..+28°С. Атмасферны ціск істотна не зменіцца.

21 верасня надвор'е ў нашай краіне абумовіць вобласць павышанага атмасфернага ціску і цёплыя паветраныя масы, якія распаўсюджваюцца з паўднёвага захаду Еўропы, таму захаваецца цёплае надвор'е і пераважна без ападкаў. Уначы і раніцай у асобных раёнах слабы туман. Вецер паўднёва-заходні, паўднёвы сярэдні. Тэмпература паветра ўначы +7..+14°С, удзень +23..+28°С.

22 верасня Беларусь патрапіць пад уплыў атмасферных франтоў з Заходняй Еўропы, за якімі пачне паступаць прахалодная паветраная маса і характар надвор'я зменіцца. У большасці раёнаў пахаладае. Уначы месцамі, у асноўным у заходняй палове, раніцай і ўдзень на большай частцы тэрыторыі краіны кароткачасовыя дажджы. Вецер паўднёвы з пераходам на заходні сярэдні, у дзённыя гадзіны ў асобных раёнах моцны парывісты, на ўсходзе рэспублікі магчымыя навальніцы. Тэмпература паветра ўначы +10..+16°С, удзень +13..+19°С, толькі на паўднёвым усходзе +20..+27°С.