«Восеньскія» прадукты, якія дапамогуць умацаваць імунітэт
1- 19.09.2018, 16:46
- 15,178
Вядомы дыетолаг падзялілася сакрэтамі здаровага харчавання.
Адна з найлепшых дыетолагаў Украіны Святлана Фус расказала, якія сезонныя прадукты павінны прысутнічаць у рацыёне для таго, каб умацаваць імунітэт, паведамляе РБК.
Слівы
Слівы не толькі смачныя, але і ўтрымоўваюць вялікую колькасць рэчываў, якія абараняюць арганізм. Сярод іх мінералы, ферменты і абалоніна. У слівах таксама ўтрымліваюцца вітаміны - С, В, бэта-карацін, харчовыя валокны і арганічныя кіслоты.
Яблыкі і грушы
Яблыкі і грушы - прадукт, які дыетолаг абавязкова рэкамендуе занесці ў рацыён. Яны дапамагаюць умацаваць імунітэт і з'яўляюцца крыніцамі жалеза, ёду, калію, кальцыю, вітамінаў РР і С.
Гарбуз
Гарбуз, са слоў Святланы Фус, адна з самых багатых крыніц бэта-караціну. Гэты жоўта-раслінны пігмент у нашым арганізме ператвараецца ў вітамін А, які спрыяе нармальнаму росту костак і ўмацоўвае імунную сістэму.
«Ужывайце гарбуз рэгулярна і вы заўважыце паляпшэнне памяці і зроку. А яшчэ гарбуз дабратворна ўплывае на нервовую сістэму і якасць сну», - піша дыетолаг.