Канстытуцыйны суд Македоніі прызнаў законным рэферэндум пра змену назвы
- 19.09.2018, 18:21
- 7,026
Рэферэндум пра новую назву Македоніі запланаваны на 30 верасня.
Канстытуцыйны суд Македоніі адхіліў патрабаванні прызнаць незаконным і неканстытуцыйным рэферэндум аб перайменаванні краіны на «Паўночную Македонію».
Пра гэта ў сераду паведаміла агенцтва Associated Press.
Сем з дзевяці суддзяў прагаласавалі за тое, каб прызнаць правядзенне рэферэндуму аб змене назвы Македоніі законным і канстытуцыйным.
Патрабаванні прызнаць плебісцыт незаконным накіроўвалі апазіцыйная арганізацыя «Сусветны македонскі кангрэс» і левая партыя Левітса.
Рэферэндум аб новай назве Македоніі запланаваны на 30 верасня. Перайменаванне краіны з'яўляецца ключавой умовай Грэцыі - толькі так Афіны згаджаюцца не блакаваць далучэнне Македоніі да NATO.