ЗША хочуць заключыць з Іранам новую «ядзерную ўгоду»

ЗША разлічваюць заключыць з Іранам новую ўгоду, якая рэгулявала б яго ядзерную і балістычную праграмы.

Пра гэта заявіў спецпрадстаўнік ЗША ў Іране Браян Хук падчас выступу ў Гудзонскім інстытуце. З ягоных слоў, перад гэтым Тэгеран павінен выканаць 12 патрабаванняў, якія высунуў Вашынгтон пасля выхаду з ранейшага пагаднення. Як вынікае з яго заявы, новая дамоўленасць - у адрозненне ад той, што была ўкладзена пры Бараку Абаме - павінна быць падтрыманая Кангрэсам, паведамляе «Радио Свобода».

Адпаведныя патрабаванні да іранскіх уладаў у траўні выкладаў дзяржсакратар ЗША Майк Пампея. У іх ліку - поўнае раскрыццё вайсковай праграмы экспертам МАГАТЭ, спыненне ўзбагачэння ўрану, а таксама распрацоўкі і распаўсюджванні балістычных ракет, здольных несці ядзерныя боегалоўкі.

Раней Тэгеран прыстрашыў выйсці з ядзернага пагаднення са значна больш развітай атамнай праграмай, чым раней. Іранскія ўлады ўпэўнены, што змогуць пабудаваць новыя цэнтрыфугі, якія дазволяць узбагачаць уран - ключавы кампанент ядзернай бомбы - у пяць-дзесяць разоў хутчэйшы ў параўнанні з цяперашняй сітуацыяй. У Тэгеране ўважаюць, што змогуць вытрымаць новы санкцыйны ціск, у тым ліку эмбарга на экспарт нафты, якое ўвойдзе ў дзеянне ў лістападзе.

У канцы жніўня амбасадарка ЗША ў ААН Нікей Хэйлі заклікала іншыя краіны адрэзаць Іран ад фінансавання, каб не дазволіць яму аднойчы стварыць ядзерную зброю.

У пачатку траўня Трамп выйшаў з Сумеснага ўсёабдымнага плана дзеянняў, заключанага з Іранам, Расеяй, Кітаем, Вялікабрытаніяй, Францыяй і Нямеччынай у 2015 годзе. Дакумент прадугледжваў абмежаванне ядзернай праграмы Тэгерана ў абмен на скасаванне санкцый. Пасля дэмаршу ЗША Еўразвяз падтрымаў Тэгеран і паабяцаў прыняць захады для абароны ад аднабаковых амерыканскіх санкцый супраць такіх краін, як Іран і Расея. Нягледзячы на гэта, шэраг еўрапейскіх кампаній пакідаюць Ісламскую Рэспубліку праз боязь амерыканскіх санкцый.