Кім Чэн Ын зноў захацеў сустрэцца з Трампам

Паўночнакарэйскі дыктатар накіруе прэзідэнту Белага дома асабістае паведамленне.

Лідар КНДР Кім Чэн Ын заявіў аб жаданні зноў сустрэцца з прэзідэнтам ЗША Дональдам Трампам і запрасіў у Паўночную Карэю дзяржсакратара ЗША Майка Пампэа, каб правесці з ім перамовы аб ядзернай праграме.

Пра гэта распавёў прэзідэнт Паўднёвай Карэі Мун Чжэ Ін пасля вяртання ў Сеул з міжкарэйскага саміту ў Пхеньяне, паведамляе «Крым.Реалии» cа спасылкай на Associated Press.

Са слоў Мун Чжэ Іна, ён збіраецца перадаць Трампу асабістае паведамленне ад Кіма ў Нью-Ёрку падчас Генасамблеі ААН.

Паўднёвакарэйскі лідар дадаў, што Кім чакае ад Трампа дэкларацыю аб спыненні Карэйскай вайны 70-гадовай даўніны, якая тэхнічна ўсё яшчэ прадаўжаецца. Дакумент стаў бы першым крокам на шляху да фармальнай мірнай дамовы. ЗША, аднак, занепакоеныя тым, што Кім Чэн Ын тым самым спрабуе дамагчыся вываду амерыканскіх войскаў з Паўднёвай Карэі, тлумачыць агенцтва.

Напярэдадні Мун Чжэ Ін паведаміў журналістам, што Паўночная Карэя абавязалася канчаткова закрыць ракетны палігон «Танчхан» і гатовая дапусціць туды замежных назіральнікаў для кантролю. У сваю чаргу лідар КНДР Кім Чэн Ын заявіў, што мае намер ператварыць Карэйскі паўвостраў «у месца без ядзернай зброі», і распавёў пра планы неўзабаве прыехаць у Сеул.

Лідары дзвюх краін дамовіліся падаць заяўку на супольнае правядзенне летніх Алімпійскіх гульняў у 2032 годзе, а таксама накіраваць адзіныя каманды на Гульні 2020 года Токіё. Бакі вызначылі адкрыць стала дзейны цэнтр сустрэч падзеленых Карэйскай вайной сем'яў, а таксама да канца года аднавіць чыгуначныя злучэнні паміж краінамі.

18 верасня - у першы дзень трэцяга за год міжкарэйскага саміту - Кім Чэн Ын сказаў, што ягоная чэрвеньская сустрэча з Трампам зрабіла рэгіён больш бяспечным.

КНДР знаходзіцца пад маштабнымі міжнароднымі санкцыямі праз сваю ядзерную праграму. Вашынгтон адмаўляецца касаваць абмежавальныя захады да моманту поўнай дэнуклеарызацыі Паўночнай Карэі. У панядзелак амбасадарка ЗША ў ААН Нікі Хэйлі абвінаваціла Расею ў сістэматычным падрыве санкцый супраць Пхеньяна.