У Менску пройдзе футбольны матч у гонар гетмана ВКЛ, які разграміў швэдаў пад Кіргхольмам
1- 20.09.2018, 17:00
- 7,850
Менскае «Тарпеда» вызначыла прысвяціць матч Яну Каралю Хадкевічу.
Матч 22 тура Вышэйшай лігі Беларусі паміж клубамі «Тарпеда» Менск - «БАТЭ» Барысаў адбудзецца 24 верасня, паведамляе «Новы час».
Менскае «Тарпеда» вызначыла не проста правесці матч з барысаўскім «БАТЭ» ў 22 туры Вышэйшай лігі, а арганізаваць акцыю Patria - у гонар Вялікага гетмана Яна Караля Хадкевіча, кіраўніка крылатых вершнікаў ВКЛ.
Клуб анансаваў шэраг актыўнасці з нагоды дня памяці нацыянальнага героя Беларусі.
Акрамя непасрэдна матчу наведвальнікаў чакаюць:
✔ Гусары ВКЛ, сярэднявечныя забавы, рэканструкцыя бою, выстава сярэднявечнага вайсковага рыштунку
✔ Майстар-клас сярэднявечных танцаў
✔ Дзіцячая зона ад адукацыйнага цэнтру «Крочым разам!»
✔ Вялікая зона ад QUVALDA - гульнявая прастора