Эканаміст: Кожны беларус уклаў 3,5 тысячы рублёў у крах «мадэрнізацыі»

Хто адкажа за гэтыя пастановы?

Дзяржава не павінна вызначаць прыярытэты і вырашаць, куды павінен інвеставаць прыватнік. Пра гэта заявіў экспэрт Цэнтра эканамічных даследаванняў BEROC Дзмітрый Крук, паведамляе «Ежедневник».

«Хто адкажа, да прыкладу, за няправільныя інвестыцыйныя пастановы ў 2015 годзе і праведзеную тады мадэрнізацыю эканомікі. Кожны беларус фактычна ўклаў 3,5 тысячы рублёў у тыя пастановы. І ў мяне адпаведна ўзнікае пытанне: чаму? Я, да прыкладу, не гатовы каб за мяне прымалі пастановы, каб умоўна ў «Гомсельмаш» ці яшчэ кудысьці ўкладваліся грошы», - адзначыў эканаміст.

Ён упэўнены, калі бізнэс-пастановы аб інвестыцыях прымаюцца бізнэсам, яны рызыкуюць сваімі грашыма, і, такім чынам, у такой сітуацыі будуць старанна пралічваць усе варыянты ў адрозненне ад дзяржсектара.

«Прыватны бізнэс павінен мець права на прыняцце пастаноў, бо сёння шматлікія прыватныя прадпрыемствы значна больш эфектыўная за дзяржаўныя, але для таго, каб развівацца і станавіцца яшчэ больш эфектыўнымі, ім трэба прыцягваць рэсурсы, якія штучна закапаныя ў дзяржсектары, - адзначыў Дзмітрый Крук.

«Падам прыклад: вялізная пляцоўка ў цэнтры горада – завод «Луч». Атрымліваецца, у самым цэнтры сталіцы на плошчы, якія каштуюць проста залатыя грошы, стаіць прадпрыемства, якое вырабляе прадукцыю ў найлепшым выпадку на адзін мільён даляраў. Чаму не аддаць гэтыя плошчы прыватнаму бізнэсу, які распарадзіцца ўсім гэтым значна больш эфектыўна? - пытаецца эканаміст. - Дзяржава сёння пакідае за сабой апошняе слова ў пастановах: каму дастануцца рэсурсы. І калі гэта не зменіцца, прыватны бізнэс будзе і далей сутыкацца з бар'ерамі».

Таму, на думку экспэрта, дзяржава павінна пазбаўляцца ад неўласцівых ёй функцый, асабліва, што тычыцца прыняцця інвестыцыйных пастаноў. Акрамя гэтага, мяркуе Дзмітрый Крук, трэба даць больш свабоды самім рэгіёнам у прыняцці рознага кшталту адміністрацыйных пастаноў.