Бізнэсоўцу Аляксандра Кныровіча чакае чарговы суд

Суд адбудзецца 28 верасня.

У Менскім гарадскім судзе 28 верасня адбудзецца разгляд апеляцыйнай скаргі бізнэсоўца Аляксандра Кныровіча, піша udf.by.

Бізнэсоўца па-ранейшаму трымаюць у следчым ізалятары МУС на вуліцы Валадарскага ў Менску. Са слоў сваякоў, хутчэй за ўсё Кныровіча перавязуць у калонію пасля 28 верасня. У якой менавіта калоніі ён будзе адбываць пакаранне, пакуль дакладна не вядома.

Як паведамлялася раней, Кныровіча прызналі вінаватым у нявыплаце падаткаў у вялікай суме. Ён асуджаны на шэсць гадоў калоніі ўзмоцненага рэжыму з канфіскацыяй маёмасці.