Улады Ізраіля загадалі войску прадаўжаць аперацыю супраць Ірана ў Сірыі
- 25.09.2018, 18:30
- 8,304
Пры гэтым Войска абароны Ізраіля працягне каардынаваць свае дзеянні з РФ.
Вайскова-палітычны кабінет Ізраіля даручыў вайскоўцам працягваць дзейнічаць «супраць вайсковых намаганняў Ірана ў Сірыі», пры гэтым Войска абароны Ізраіля (IDF) працягне каардынаваць свае дзеянні з Расеяй. Пра гэта паведамляе РБК са спасылкай на газету The Times of Israel.
Паводле слоў прэм'ер-міністра Ізраіля Біньяміна Нетаньяху, IDF за апошнія тры гады дабілася вялікіх поспехаў«у прадухіленні нарошчвання вайсковых сіл Ірана ў Сірыі, паведамляе газета The Jerusalem Post.
Пасля інцыдэнту c ІЛ-20 кіраўнік Мінабароны РФ Сяргей Шайгу абвясціў, што Расея паставіць Сірыі зенітна-ракетны комплекс С-300. Нетаньяху ў тэлефоннай размове з прэзідэнтам РФ Уладзімірам Пуціным заявіў, што гэтая мера прывядзе да росту рызык у Блізкаўсходнім рэгіёне, аб эскалацыі сітуацыі таксама паведаміў памочнік прэзідэнта ЗША ў нацбяспецы Джон Болтан. Старана, адказная за напад у Сірыі і Ліване, і рэальная старана, адказная за збіты расейскі самалёт, - гэта Іран», - падкрэсліў ён.
Прэс-сакратар прэзідэнта Расеі Дзмітрый Пяскоў заявіў, што пастаўкі комплексаў С-300 не скіраваныя супраць трэціх краін, іх мэтай з'яўляецца выключна гарантаванне бяспекі расейскіх вайскоўцаў.