Чыноўнік-карупцыянер з Манголіі спрабаваў штурмаваць беларуска-польскую мяжу
3- 26.09.2018, 16:10
- 15,597
Нелегалаў чакае дэпартацыя.
Муж і жонка замахваліся на незаконны пераход беларуска-польскай мяжы 24 верасня. Грамадзян Манголіі затрымалі вайскоўцы памежнай заставы «Церабунь» у Берасцейскім раёне. Мужчына і жанчына ішлі да мяжы ў абыход населеных пунктаў і збіраліся перасекчы мяжу па-за пунктам пропуску, піша kp.by.
- Высветлілася, што мужчына знаходзіўся на дзяржаўнай службе і пры гэтым займаўся супрацьпраўнай дзейнасцю ва Улан-Батары. Пасля таго, як пра гэта стала вядома праваахоўным органам, чыноўнік вызначыў разам з жонкай уцячы да сваякоў у Нямеччыну, - каментуе Сяргей Дзмітрыеў, афіцыйны прадстаўнік Берасцейскай памежнай групы.
Вядома, што ў Манголіі чыноўніка падазравалі ў карупцыйных злачынствах. На праблемы з законам ён нарваўся і ў Беларусі. Парушальнікаў змясцілі ў ізалятар часовага ўтрымання за незаконнае перасячэнне мяжы і парушэнне памежнага рэжыму.
- Нелегалаў чакае дэпартацыя з забаронай уезду ў Рэспубліку Беларусь тэрмінам да 5 гадоў, - дадаюць памежнікі.