Камбайн з вусатым камбайнерам і іншы саламяны агратрэш на «Дажынках»
20- 30.09.2018, 17:27
- 35,745
Фотападборка дзіўных фігур ад беларускіх аграрыяў.
Учора азёрны Мядзел адзначыў фестываль-кірмаш працаўнікоў вёскі «Дажынкі 2018». У рамках яго мясцовы райвыканкам прыдумаў квэст скульптур з саломы, якія расставілі ў раёне. Трэба было зарэгістравацца на сайце гэтай арганізацыі, наведаць усе кампазіцыі і выкласці фота ў сацсетцы. Мы нічога такога не зрабілі, але зафіксавалі амаль усе скульптуры. Увогуле, каб убачыць іх, неабавязкова збірацца ў Мядзел. Можна паглядзець фотападборкі onliner.by.
Першы па дарозе з Менска на Мядзел паварот, недалёка паказальнік на Радашковічы. Млын, напэўна, з парталам у паралельны свет.
Едзем далей. Саламянае шчасце поўнай ячэйкі грамадства. Галоўны сямейнік кантралюе сітуацыю. Усе астатнія сямейнікі крыху збянтэжаныя.
Вельмі просценькая вежа недалёка ад Лысай Гары.
Не саломай адзінай. У ход пайшлі падручныя сродкі і фарбы. Напамінак. Калі некалькі сустрэтых да таго фігур не пераканалі, што неўзабаве «Дажынкі».
Абаяльны заяц глядзіць на капусту. Або на паказальнік на Жодзіна - ён там побач.
Яшчэ адна сям'я. У яго шыкоўная шапка, у яе – грыўка і выразнае дэкальтэ.
Чароўны мядзведзь на мяжы раёнаў.
Птушачкі. Ззаду да постацяў далучаны хвасты.
«У свеце жывёл» прадаўжаецца парасятамі.
За Іллём віднеецца чарговая пара.
Гэта, здаецца, вусень.
Паравозік з Рамашкава. Той, які спяваў у савецкім мультфільме пра «Добра на свеце, сонейка, свяці, пажадай нам, вецер, добрага шляху». Мядзел блізка.
Memento mori. Не расслабляемся.
Масіўная канструкцыя ўжо з афіцыйнай сімволікай свята.
Прывітанне БЧ.
Так гэта выглядае з іншага ракурсу.
Адна з самых моцных работ. Яшчэ звяртае на сябе ўвагу дэкаратыўны бусел. Такія расстаўленыя амаль па ўсім шляху руху са сталіцы ў Мядзел. У гонар свята.
Вельмі шмат усяго ў адным месцы. Цяпер будзем разбірацца.
Прывітанне ад Мядзельшчыны.
Кампазіцыя «Мука» з сумным млынаром.
І чарговае прывітанне чыгуначнікам.
Класныя зайцы.
Ён на яе касавурыцца.
А яна саромеецца.
Гэта ўжо непасрэдна Мядзел і некалькі расплывісты трактар з прычэпам.
Камбайн з вусатым камбайнерам.
Усіх са святам, увогуле.