ЕЗ: Расея павінна неадкладна вызваліць украінскіх маракоў
2- 10.01.2019, 17:29
- 9,338
Еўразвяз зноў заклікаў РФ вызваліць украінскіх палітвязняў з Крыма і захопленых у Керчанскай пратоцы маракоў.
Еўрапейскі Звяз заклікае Расейскую Федэрацыю неадкладна вызваліць палітвязня Паўла Грыба, крымска-татарскага актывіста Эдэма Бекірава і ўсіх захопленых у Керчанскай пратоцы ўкраінскіх маракоў. Як піша liga.net, пра гэта гаворыцца ў заяве прэс-сакратаркі замежнапалітычнай службы ЕЗ Маі Касьянчыч.
У ЕЗ нагадалі гісторыю затрымання Паўла Грыба, якога 24 жніўня 2017 года выкралі з тэрыторыі Беларусі і арыштавалі ў Расеі без якіх-небудзь канкрэтных абвінавачванняў.
«Еўрапейскі Звяз чакае ягонага неадкладнага вызвалення і доступу да адмысловага медыцынскаму лячэння, у якім ён мае патрэбу. Украінскія лекары павінны мець магчымасць наведваць яго, пакуль ён знаходзіцца ў зняволенні, як таго патрабуе пастанова Еўрапейскага суда правоў чалавека», - паказвае Касьянчыч.
Эдэм Бекіраў, які быў затрыманы 12 снежня 2018 года пры ўездзе ў акупаваны Расеяй Крым, таксама мае патрэбу ў штодзённай медыцынскай дапамозе, адзначае яна.
«Еўразвяз зноў паўтарае, што ўсе незаконна затрыманыя ўкраінскія грамадзяне на Крымскім паўвостраве і ў Расеі і чальцы экіпажа суднаў, захопленых Расеяй 25 лістапада, павінны быць вызваленыя неадкладна. Міжнародныя назіральнікі ў правах чалавека павінны атрымаць поўны, свабодны і бесперашкодны доступ на Крымскага паўвострава», - падкрэсліла Касьянчыч.