22 лютага 2019, Пятніца, 16:30
Заклік Рады БНР
Рубрыкі

«Грамадзянская пазіцыя» вылучыла Грыцэнку кандыдатам на выбарах прэзідэнта Украіны

2

Сёння прайшоў з'езд партыі.

На з'ездзе партыі "Грамадзянская пазіцыя" прынялі пастанову аб вылучэнні міністра абароны Украіны ў 2005-2007 гадах Анатоля Грыцэнку кандыдатам на выбарах прэзідэнта Украіны. 11 студзеня адбыўся XIII з'езд палітычнай партыі. Былі 265 дэлегатаў і больш за 70 запрошаных гасцей. Дэлегаты былі прадстаўленыя ад 22 рэгіянальных арганізацый. У прэзідыюм абралі Васіля Макуха, Васіля Туза і Анатоля Грыцэнку, паведамляе «Зеркало недели» са спасылкай на прэс-службу "Грамадзянскай пазіцыі".

Адзначаецца, што дэлегаты разгледзелі тры пытанні: аб вылучэнні кандыдата на прэзідэнцкія выбары, пра давыбары Каардынацыйнай Рады партыі і давыбары Рады партыі.

"Для мяне гэта гонар і вялікая адказнасць. Я ведаю, як узняць краіну і войска. Я не падпішу ніводнага папулісцкага закона і міжнароднага пагаднення, якое супярэчыць інтарэсам краіны. Мне дастаткова аднаго прэзідэнцкага тэрміну, каб закласці падмурак. Ад сённяшняй пастановы залежыць будучыня краіны", - сказаў Грыцэнка.

Кіраўніка палітычнай сілы "Альтэрнатыва" Ягора Фірсава абралі сябрам Каардынацыйнага рады партыі, а актывістку Марыну Салаўёву абралі сябрам КРП паўторна. Таксама ў Раду партыі абралі трох чалавек ад "Альтэрнатывы" - Руслана Калініна, Дзяніса Каплунова і Аляксея Мітасава.

Паведамляецца, што большасць украінцаў мяркуе, што адзіным кандыдатам у прэзідэнты ад дэмакратычных сіл мае стаць лідар "Грамадзянскай пазіцыі" Анатоль Грыцэнка. Пра гэта сведчаць вынікі апытання Кіеўскага міжнароднага інстытута сацыялогіі "Меркаванні і погляды насельніцтва Украіны: снежань 2018", апублікаваныя 20 снежня.