Папулярны парашок для прання ў Беларусі прызналі таксічным

Продаж сродку забаронены.

Парашок «Ушастый нянь», які вырабляюць ва ўкраінскім горадзе Винница, не адпавядае Адзіным санітарна-эпідэміялагічным і гігіенічным патрабаванням да прадукцыі, якая падлягае санітарна-эпідэміялагічнаму кантролю.

Індэкс таксічнасці пральнага парашка паводле вынікаў выпрабаванняў склаў 10,7% пры нармаваным значэнні 70-120%. Ва ўзоры выявілі вострую ўнутрыстраўнікавую таксічнасць (высветлена, што ўзор належыць да рэчываў 3 класа небяспекі), паведамляецца на старонцы Баранавіцкага занальнага ЦГіЭ Вконтакте.

Галоўным дзяржаўным санітарным лекарам Менскай вобласці для бяспекі насельніцтва прыпыненае дзеянне пасведчання аб дзяржаўнай рэгістрацыі, якое сродку для прання было выдадзенае дзяржаўнай установай «Менскі абласны цэнтр гігіены, эпідэміялогіі і грамадскага здароўя».