Запазычанасці расейцаў усталявалі новы рэкорд

Апусканне ў пазыковае балота працягваецца.

На фоне паскарэння інфляцыі і зніжэння рэальных даходаў, запазычанасці расейцаў дасягнулі гістарычнага рэкорду.

Паводле статыстыкі Цэнтрабанка, аб'ём запазычанасці хатніх гаспадарак дасягнуў амаль 16 трлн рубёў. Улічваючы, як падаражэюць тавары і паслугі у 2019 годзе, расейцы працягнуць нарошчваць запазычанасці, а ЦБ будзе прымаць усе меры, каб пазбегнуць перагрэву крэдытнага рынку, піша Телеграм-канал "Запретное мнение".

Запазычанасць расце бесперапынна з 1 лютага 2017 года, тады яна складала 11,7 трлн рублёў, а да ўзроўню пачатку 2013 года (8,5 трлн.) запазычанасць вырасла амаль удвая.

Практычна ўся запазычанасць хатніх гаспадарак прыпадае на банкаўскія крэдыты, сведчыць статыстыка ЦБ. Расейскія банкі ў студзені-лістападзе 2018 года выдалі грамадзянам 33,47 мільёна крэдытаў, што на 18% больш, чым годам раней, пры гэтым аб'ём крэдытавання павялічыўся на 48% і склаў 7,67 трыльёна рублёў, паведамляла Аб'яднанае крэдытнае бюро (АКБ).

У лістападзе было выдадзена 3,3 мільёна новых крэдытаў агульным аб'ёмам звыш 813,67 рублёў. Колькасць выдадзеных крэдытаў вырасла на 8%, а аб'ёмы крэдытавання - на 33% у параўнанні з лістападам мінулага года.

Вышэй за ўсё былі тэмпы росту крэдытаў гатоўкай. Іх агульная колькасць вырасла на 18%, пры гэтым аб'ёмы крэдытавання павялічыліся на 51%. Сярэдні чэк па крэдытах наяўнымі вырас на 28%, да 286 тысяч.

Прычынай такога паскарэння стала спалучэнне некалькіх фактараў. На спажывецкі рынак, аўтарынак і іпатэчны рынак плюхнуў назапашаны адкладзены попыт.

Абнаўленне тэхнікі, рамонт і набыццё новага жылля, немагчыма адкладаць бясконца, і ўсё, што назбіралася за гады крызісу, павінна было рэалізавацца, а ва ўмовах адсутнасці росту рэальных даходаў, гэта магчыма толькі за кошт крэдытаў.

Пры гэтым экспэртаў даўно трывожыць крэдытная актыўнасць расейцаў на фоне фактычнай стагнацыі рэальных наяўных даходаў (грашовыя даходы за вылікам інфляцыі і абавязковых плацяжоў).

Паводле звестак Расстата, рэальныя наяўныя даходы насельніцтва ў лістападзе 2018 года ўпалі на 2,9% да лістапада 2017-га, за 11 месяцаў рост склаў сімвалічныя 0,4%. Пры гэтым да 2018 года рэальныя даходы расейцаў падалі, знізіўшыся сумарна за чатыры гады на 11%.

Расейцы пазычаюць таксама, каб аддаць раней узятыя пазыкі. Таму частка новых крэдытаў – фактычна гэта рэфінансаванне старых.

Паводле вынікаў першага паўгоддзя мінулага года афіцыйны ўзровень пратэрміноўкі па запазычанасці хатніх гаспадарак склаў 6,1%. Пры гэтым рэальны ўзровень пратэрміноўкі можа быць блізу 10-12%.

У 2019 годзе ў расейцаў з'явіліся новыя падставы, каб яшчэ больш залезці ў крэдытную кабалу. Са слоў экспэртаў, па кішэні расейцаў ударыць рост ПДВ з 18% да 20%, павышэнне акцызаў, перш за ўсё, на маторнае паліва, падаражанне камунальных паслуг і праезд на грамадскім транспарце.

Апусканне ў пазыковае балота працягваецца, і канца і краю гэтага працэсу не відаць.