Прыгатаваць сапраўдную салату аліўе каштуе блізу $300
13- 12.01.2019, 17:19
- 23,899
Салата незвычайна далікатнага смаку была галоўнай фішкай установы француза Люсьена Аліўе.
Тое, што мы называем салатай аліўе, напраўду трэба называць як заўгодна, але толькі не аліўе. Таму што з тых інгрэдыентаў, якія будуць нарэзаныя 31 снежня, у класічны рэцэпт уваходзяць толькі агуркі, піша bigpicture.ru.
Знакамітую страву ў 1860-я гады прыгатаваў уладальнік маскоўскай рэстарацыі «Эрмітаж» француз Люсьен Аліўе. Салата незвычайна далікатнага смаку была галоўнай фішкай ўстановы, праз яе многія і прыходзілі. Сакрэтны рэцэпт Аліўе панёс з сабой у магілу. Прыблізна аднавіць яго ўдалося ў пачатку XX стагоддзя па памяці аднаго з заўсёднікаў «Эрмітажа»
Такім чынам, арыгінальны склад салаты аліўе:
- мяса двух адварных рабчыкаў;
- адзін адварны цялячы язык;
- блізу 100 грамаў чорнай паюснай ікры;
- 200 грамаў свежай салаты;
- 25 адварных ракаў або адзін амар;
- палова бляшанкі вельмі дробных марынаваных гурочкаў (пікулі);
- палова бляшанкі соі кабуль (нейкая паста з соі, якая тады выраблялася);
- два накрышаныя свежыя агуркі;
- 100 грамаў каперсаў (калючая агароднінная культура, у якой марынуюць кветкавыя пупышкі);
- дробна парэзаныя пяць яек, звараныя ўкрутую.
У якасці запраўкі выкарыстоўваўся соус правансаль, прыгатаваны на французскім воцаце, двух свежых яечных жаўтках і фунце аліўкавага алею.
Журналісты палічылі, што такі набор прадуктаў каштуе амаль $300.