Лекар пра стан мэра Гданьска: Найбліжэйшыя гадзіны ўсё вызначаць

Інфармацыя пра стан здароўя Паўла Адамовіча з'явіцца дзесьці апоўдні.

Пра гэта паведамляе «Польскае радыё»:

- Мэр Гданьска Павел Адамовіч жывы, ён у вельмі цяжкім стане, - заявіў лекар Томаш Стефаньяк. - Найбліжэйшыя гадзіны усё вызначаць, - падкрэсліў ён. Рэгіянальны цэнтр донарства крыві звярнуўся да донараў па дапамогу.

Чарговае паведамленне пра стан здароўя Паўла Адамовіча з'явіцца дзесьці апоўдні.

Мэр Гданьска Павел Адамовіч быў праапераваны цягам пяці гадзін пасля таго, як 27-гадовы мужчына напаў на яго з нажом падчас дабрачыннага канцэрту.

Паводле папярэдняй інфармацыі, лякарні ўдалося аднавіць сэрцабіцце Паўла Адамовіча.