Лондан стварае спецгрупу для барацьбы з адмываннем грошай

Асаблівую ўвагу новая структура надасць грошам з Расеі і краін былога СССР.

У Вялікабрытаніі будзе сфармаваная спецыяльная група для барацьбы з махлярствам, карупцыяй і адмываннем грошай. Пра гэта гаворыцца ў паведамленні брытанскага Мінфіна, апублікаваным у панядзелак, 14 студзеня, перадае dw.com.

Групу ўзначаляць міністр фінансаў Філіп Хамонд і кіраўнік МУС Саджыд Джавід, у яе склад увойдуць прадстаўнікі банкаў Santander, Lloyds і Barclays. "Нам трэба рабіць дзеянні на ўсіх франтах супраць карумпаваных махляроў, якія набіваюць свае кішэні "бруднымі" грашыма і вядуць раскошны лад жыцця за кошт законапаслухмяных грамадзян", - падкрэсліў Джавід.

Чакаецца, што на першым пасяджэнні спецгрупы кіраўнік МУС Вялікабрытаніі пацвердзіць выдачу ягонай ўстановай 3,5 млн фунтаў стэрлінгаў у 2019-2020 гадах на ўдасканаленне сістэмы выяўлення падазроных транзакцый.

Асаблівая ўвага - грошам з РФ

Асаблівую ўвагу новая антыкарупцыйная структура будзе надаваць грошам з Расеі, Нігерыі, былых савецкіх рэспублік і Азіі, паведамляе агенцтва Reuters са спасылкай на афіцыйныя крыніцы. Паводле ацэнак брытанскага Мінфіна, штогод у краіне здзяйсняюцца эканамічныя злачынствы сумай, роўнай 14,4 млрд фунтаў стэрлінгаў (16,4 мільярда еўраў).