У Зімбабвэ «шокавае» падвышэнне коштаў на паліва выклікала бунт
7- 14.01.2019, 14:53
- 13,919
Пратэстоўцы паляць покрыўкі.
У афрыканскай краіне, як раней у Францыі, успыхнулі масавыя пратэсты супраць анансаванага рэзкага росту коштаў паліва, піша liga.net.
У прыгарадзе зімбабвійскай сталіцы Харарэ пратэстоўцы выбудавалі барыкады на дарогах і паляць покрыўкі. Людзі незадаволеныя тым, што ў канцы мінулага тыдня прэзідэнт Эмерсан Мнангагва анансаваў значнае павышэнне коштаў паліва ў спробе спыніць паглыбленне эканамічнага крызісу, піша Reuters.
Дэфіцыт бюджэту ў апошнія гады расхістаў эканоміку гэтай афрыканскай краіны, пагражаючы масавымі сацыяльнымі хваляваннямі і падрываючы намаганні Мнангагвы па вяртанні замежных інвестараў, якія пайшлі пры яго папярэдніку Раберце Мугабэ.
Людзі ў краіне, дзе беспрацоўе перавышае 80%, былі шакаваныя абвяшчэннем пра 150-працэнтны рост коштаў паліва.
У адказ на такія навіны галоўны прафсаюз краіны абвясціў трохдзённы страйк.
Людзі выйшлі блакаваць асноўныя дарогі да сталіцы ў паўднёва-ўсходнім прыгарадзе - Эпвортэ. У іншым прыгарадзе, Булавайё, паліцыя ўжыла слезацечны газ, каб рассеяць пратэст моладзі.
Праваахоўнікі патрулююць Харарэ на бронеаўтамабілях.