Арына Сабаленка: Турсунаў такі ж апантаны, як і я
- 14.01.2019, 20:02
- 9,671
Беларуская тэнісістка расказала пра свайго трэнера.
Беларуская тэнісістка Арына Сабаленка (11 ВТА) падзялілася эмоцыямі пасля выхаду ў другое кола «Australian Open», паведамляе pressball.by.
- Арына, як гэта гуляць другім запускам, калі сонца ў зеніце?
- Вядома, не самыя простыя ўмовы надвор'я, але ўжо на «шлеме» можна сябе ўсю аддаць. У прынцыпе, ты не адчуваеш падчас матчу гэтыя ўмовы, таму што галава думае толькі пра адно.
- Старт сезону выдаўся паспяховым, вы здабылі тытул у Шэньчжэне. Наколькі ён надае ўпэўненасці перад «шлемам»?
- Напраўду, пасля перадсезонцы вельмі боязна стартаваць. Але гэты тытул надае ўпэўненасці, так.
- Што такога незвычайнага ў Дзмітрыі Турсунаве, што вашы вынікі пад яго кіраўніцтвам бачныя няўзброеным вокам?
- Ён такі ж апантаны, як і я, - адзначыла Сабаленка ў інтэрв'ю «Евроспорту».