У Маскве затапіла метро
4- 15.01.2019, 8:55
- 17,856
Тры станцыі закрытыя для пасажыраў.
Станцыі сталічнага метро «Акруговая», «Верхнія Ліхаборы» і «Селігерская» на поўначы Люблінскай-Дзмітраўскай лініі Маскоўскага метро часова закрытыя для пасажыраў. Пра гэта гаворыцца ў паведамленні Маскоўскага метрапалітэна ў Twitter. На адрэзку салатавай галінкі была выяўленая вада, патлумачылі ў прэс-службе, піша РБК.
«Паступленне вады», як паказалі прадстаўнікі падземкі, адбылося паміж «Акруговай» і «Верхнімі Ліхаборамі». Абедзве гэтыя станцыі, а таксама «Селігерская» (трэцяя закрытая на лініі) былі адкрытыя 22 сакавіка 2018 года.
От метро (10) «Селигерская» до (9)(10) «Петровско-Разумовской» – бесплатные автобусы КМ. Они едут по Дмитровскому шоссе с остановкой у метро (10) «Верхние Лихоборы». pic.twitter.com/PCMKMmmsDu
— Мосгортранс (@mosgortrans_ru) 15 января 2019 г.
Праз інцыдэнт цягнікі на салатавай галінцы ходзяць толькі паміж «Пятроўска-Разумоўскай» і «Зяблікавым», удакладнілі ў прэс-службе. Для перамяшчэння пасажыраў на закрытым адрэзку працуюць 50 бясплатных аўтобусаў, дадалі ў метрапалітэне. Ля закрытых станцый, паводле звестак прадстаўнікоў падземкі, таксама дзяжураць супрацоўнікі Цэнтра забеспячэння мабільнасці пасажыраў - на месцы падказваюць масквічам, як лепей ехаць.
Астатніх дэталяў і прычын здарэння ў метро не ўдакладнілі. Пазней у прэс-службе заўважылі, што небяспекі для інфраструктуры метрапалітэна праз падтапленні няма. Над ліквідацыяй наступстваў працуюць больш за 100 чалавек.
А 08:10 мск у прэс-службе падземкі запэўнілі, што рух паміж «Селігерскай» і «Пятроўска-Разумоўскай» «будзе адноўлены цягам найбліжэйшых гадзін».
Более 100 человек работают над устранением последствий поступления воды. pic.twitter.com/XaYWNNdPf1
— Московское метро (@MetroOperativno) 15 января 2019 г.
За рухам у раёне станцыі метро «Акруговая» на Дзмітраўскай шашы сочаць пяць экіпажаў дарожнага патруля, распавялі ў сталічным Цэнтры арганізацыі дарожнага руху. Каб пазбегнуць затораў, кіроўцам параілі адмовіцца ад паездак па Дзмітраўскай шашы і скарыстацца Паўночна-Усходняй хордай і Алтуф’еўскай шашой.
У Маскве 10 студзеня праз правал грунту затапіла Валакаламскі транспартны тунель. У выніку ніхто не пацярпеў, аднак рух транспарту на пашкоджаным адцінку часова перакрылі.