Кітайскі зонд паказаў фота бавоўны, якая вырасла на Месяцы
10- 15.01.2019, 9:32
- 24,987
Для эксперыменту зонд даставіў на Месяц яшчэ пяць біялагічных узораў.
Кітайскі зонд «Чан'э-4», які высадзіўся на адваротным баку Месяца, правёў біялагічны эксперымент на паверхні спадарожніка Зямлі, паведамляе snob.ru.
Зонд перадаў на Зямлю фатаграфіі, на якіх відаць, што насенне бавоўніка, якое апарат даставіў на месяцавую паверхню, дало першыя парасткі. Бавоўна расце ўнутры зонда. Як адзначае кітайская тэлевізія, парасткі сталі першымі, прарослымі на Месяцы ва ўмовах нізкай гравітацыі, моцнай радыяцыі і вялікай розніцы тэмператур.
【嫦娥四号完成人类首次月面生物实验】北京时间1月15日,嫦娥四号上搭载的生物科普试验载荷发布最新试验照片,照片显示试验搭载的棉花种子已长出嫩芽,这也标志着嫦娥四号完成了人类在月面进行的首次生物实验。这株植物嫩芽后续还将继续生长,有望成为月球上的第一片绿叶。#科技中国 #嫦娥四号 pic.twitter.com/6xQU3z6ml5
— 中国新闻社 (@CNS1952) 15 января 2019 г.
Для эксперыменту зонд таксама даставіў на Месяц яшчэ пяць біялагічных узораў: дрожджы, бульбу, рапс, рэзухавідку і мух дразафіл. Іх выбіралі па памеры і здольнасці адаптавацца да ўмоў паверхні спадарожніка.
3 студзеня «Чан'э-4» паспяхова прызямліўся на адваротным баку Месяца і адправіў на Зямлю першыя здымкі, а таксама паказаў панараму адваротнага боку месяцавай паверхні. Апарат знаходзіцца ў кратэры фон Кармана ў басейне Паўднёвага полюса Айткен.