Сабаленка выбыла з барацьбы за 1-е месца ў рэйтынгу WTA паводле вынікаў Australian Open

Беларуска не зможа пазмагацца за званне першай ракеткі свету праз перамогу Сымоны Халеп на старце турніру.

Пасля таго, як на старце турніру Сымона Халеп падолела эстонку Каю Канепі, шанцаў на першае месца ў рэйтынгу ВТA паводле вынікаў Australian Open пазбавілася прадстаўніца Беларусі Арына Сабаленка, паведамляе pressball.by.

Нагадаем, напярэдадні старту турніру паводле яго вынікаў адразу 10 тэнісістак маглі зрушыць румынку Сымону Халеп з першага радка рэйтынгу ВТА. Такую магчымасць таксама страціла расейка Дар'я Касаткіна, саступіўшы ў першым коле швейцарцы Тыме Бачынскі.

Такім чынам, Халеп, якая ідзе пакуль на прамежкавым першым месцы, маюць шанцы абагнаць Анжаліка Кербер (Нямеччына), Караліна Вазняцкі (Данія), Слоан Стывенс (ЗША), Эліна Світоліна (Украіна), Наомі Осака (Японія), Петра Квітава (Чэхія), Караліна Плішкова (Чэхія) і Кікі Бертэнс (Нідэрланды).