Шэрыф, які абзавёўся кардоннымі падначаленымі, стаў зоркай Сеціва

Шэрыф з дапамогай кардонных падначаленых змагаецца з аматарамі высокіх хуткасцяў.

Робэрта Чодзі, шэрыфа акругі Уільямсан (Тэхас, ЗША), заўсёды хвалявала, што ў яго не так шмат падначаленых, як хацелася б, піша 120.su.

У выніку афіцэры проста не могуць прасачыць за ўсімі правапарушэннямі, але цяпер ім на дапамогу прыйшлі кардонныя калегі, якія ўзялі на сябе ўсяго адзін, але даволі важны абавязак - яны змагаюцца з кіроўцамі, тымі, што любяць перавышаць хуткасць.

Робэрт распавёў, што кардонныя паліцыянты, расстаўленыя на ўзбочынах дарог (асабліва паблізу школ), вельмі эфектыўныя - убачыўшы здалёк афіцэра з радарам, кожны кіроўца-зух на ўсялякі выпадак зменшыць хуткасць.