Сусветны банк павысіў прагноз росту эканомікі Польшчы
2- 16.01.2019, 16:14
- 11,124
Прычынай для павышэння сталі высокі ўзровень спажывання і інвестыцыі.
Прэм'ер-міністр Польшчы Матэвуш Маравецкі выказаў задавальненне тым, што Сусветны банк павысіў эканамічны прагноз росту эканомікі Польшчы да 4%. Прычынай для павышэння сталі высокі ўзровень спажывання і інвестыцыі, паведамляе «Радыё Польшча».
«Такія сігналы з боку міжнародных інстытутаў паказваюць, што патэнцыял развіцця нашай краіны становіцца ўсё больш прыкметным у свеце», - напісаў прэм'ер-міністр у каментары новы даклад Сусветнага банка пад назвай «Цямнеючае неба».
Аўтары песімістычнага дакладу адзначаюць зніжэнне тэмпу эканамічнага росту, напружанне ў сферы міжнароднага гандлю, праблемы некаторых развіваных краін і росту рызыкі развіваных рынкаў. Экспэрты папярэджваюць, што 2019 год будзе больш цяжкім і дрэнным для сусветнай эканомікі, чым папярэдні.
Сусветны банк адзначае зніжэнне тэмпу эканамічнага росту ў зоне еўра, якое адбіваецца на эканамічнай сітуацыі ў краінах, звязаных з Еўропай.
Аднак у некаторых дзяржавах сярэдняя інфляцыя і нізкія адсоткавыя стаўкі спрыяюць паскоранаму тэмпу росту. Да такіх краін аўтары справаздачы аднеслі Польшчу, Вугоршчыну і Сербію.