Сілавікі зацікавіліся кіраўніком аднаго з філіялаў Нацбанку

Шэраг банкаўскіх работнікаў узялі пад прыцэл.

Адным з ключавых удзельнікаў праходзіць старшыня праўлення ААТ «Беларускі міжбанкавы разліковы цэнтр» (БМРЦ) Фэлікс Каспяровіч. Пра гэта tut.by распавялі тры інфармаваныя крыніцы.

«Мяркуючы з усяго, паўтараецца гісторыя двухгадовай даўнасці. У сілавікоў зноў паўсталі пытанні да шэрагу банкаўскіх работнікаў», - сказаў адзін з суразмоўцаў. «Адзін з затрыманых - шматгадовы кіраўнік разліковага цэнтра пры Нацбанку Каспяровіч», - удакладніла іншая крыніца.

Праз тэлефон Фэлікс Каспяровіч стаў недасягальным.

«З пачатку года выконваючым абавязкі старшыні праўлення [БМРЦ] з'яўляецца Міхаіл Гоцман. Усе сістэмы функцыянуюць у штатным рэжыме», - сказалі ў прэс-службе Беларускага міжбанкаўскага разліковага цэнтра. Там не змаглі пракаментаваць інфармацыю аб затрыманні Фэлікса Каспяровіча.

ААТ «Беларускі міжбанкавы разліковы цэнтр» створанае ў кастрычніку 2017 года на базе аднайменнага ўнітарнага прадпрыемства, якое ўваходзіць у склад Нацыянальнага банка Беларусі.

У склад акцыянераў БМРЦ акрамя Нацбанку з доляй 99% уваходзіць ААТ «Нябанкаўская крэдытна-фінансавая арганізацыя «АРІП».

«Удзел Нацыянальнага банка ў статутным фондзе створанай юрыдычнай асобы і валоданне кантрольным пакетам акцый, укараненне стандартаў карпаратыўнага кіравання і функцый уладальніцкага нагляду забяспечаць належны кантроль за міжбанкаўскімі разлікамі, тарыфнай палітыкай, гаспадарчай дзейнасцю, выкананнем заканадаўства (у тым ліку ў сферы абароны інфармацыі). Абраная арганізацыйна-прававая форма дазволіць забяспечыць высокую эфектыўнасць дзейнасці, палегчыць доступ да патэнцыйных дадатковых інвестыцый, знізіць выдаткі на прыцягненне капіталу і падвысіць кошт актываў», - гаварылася ў прэс-рэлізе Нацбанку з нагоды акцыянавання свайго разліковага цэнтра.

БМРЦ выконвае функцыі тэхнічнага аператара аўтаматызаванай сістэмы міжбанкаўскіх разлікаў і забяспечвае правядзенне асноўнай долі безнаяўных разлікаў у Беларусі. За дзень БМРЦ апрацоўвае больш за 250 000 транзакцый на агульную суму 1 млрд даляраў, гаворыцца ў Фэйсбуку кампаніі.

У канца 2018 года Фэліксу Каспяровічу ўручылі пасведчанне аб рэгістрацыі БМРЦ рэзідэнтам Парку высокіх тэхналогій. Акрамя таго, Нацбанк перадаў разліковаму цэнтру функцыі абаненцкага пункта калектыўнага доступу да сеткі SWIFT (міжнародная сістэма пералічэнняў, якая аб'ядноўвае банкі ўсяго свету).

Каспяровіч скончыў Менскую вышэйшую інжынерную зенітна-ракетную вучэльню, Палескі дзяржаўны ўніверсітэт, Акадэмію кіравання пры Лукашэнку. У Нацбанку працаваў з 1995 года, паступова дайшоўшы да пасады кіраўніка разліковага цэнтра.

Атрымаць каментар у праваахоўных органах не ўдалося.