Ва ўніверсітэце Ліёна адбыўся магутны выбух
- 17.01.2019, 14:08
- 11,765
Ёсць пацярпелыя.
На тэрыторыі студэнцкага гарадка ўніверсітэта Ліёна ў камуне Віёрбан на ўскраіне французскага мегаполіса адбыўся магутны выбух, піша «Нямецкая хваля».
З першай інфармацыі, у выніку інцыдэнту, які здарыўся раніцай у чацвер, 17 студзеня, лёгкія раны атрымалі тры чалавекі.
Французскія СМІ са спасылкай на звесткі пажарных паведамляюць пра тое, што ў будынку на тэрыторыі галоўнага ўніверсітэта вяліся рамонтныя працы, у ім узарваліся ёмістасці з газам. Сітуацыя знаходзіцца пад кантролем, тушэнне пасля выбуху пажару будзе працягвацца ўвесь дзень, паведаміў універсітэт Ліёна.
Now: Huge explosion and fire at one of the University of #Lyon's campuses. People are being urged to avoid the area. pic.twitter.com/L5kNBrohjZ
— Benjamin Alvarez (@BenjAlvarez1) 17 января 2019 г.
Tout est sous contrôle. L'incendie est maîtrisé mais l'intervention va être longue (estimation : la journée) pour être sûr qu'aucun feu ne reprenne. #IncendieMendel
— Université Lyon 1 (@UnivLyon1) 17 января 2019 г.
Найбліжэйшыя будынкі былі эвакуяваныя. У будынку Mendel, дзе адбыўся выбух, размешчаны, сярод іншага, факультэт біялогіі.
12 студзеня ў булачнай у цэнтры Парыжа, размешчанай у шматпавярховым доме на вуліцы Трэвіз, адбыўся выбух, загінулі чатыры чалавекі. Паводле папярэдняй версіі, прычынай паслужыў выцек газу. Незадоўга да выбуху праз пах газу была выкліканая супрацьпажарная ахова.
