Лукашэнка: З вялікім задавальненнем наведаю Зімбабвэ
38- 17.01.2019, 14:25
- 22,282
Дыктатар знайшоў новага «стратэгічнага партнёра» ў асобе Эмерсана Мнангагвы.
Лукашэнка і прэзідэнт Зімбабвэ Эмерсан Мнангагва абмеркавалі супрацоўніцтва паміж краінамі на сустрэчы сёння ў Менску.
Лукашэнка падкрэсліў, што Беларусь бачыць «вялікі фронт работ» для Беларусі ў Зімбабвэ і хоча наладзіць з краінай стратэгічнае партнёрства, паведамляе прэс-служба дыктатара.
«Паміж нашымі краінамі склаліся вельмі шчыльныя і добрыя ўзаемадачыненні. Мая адміністрацыя і народ Зімбабвэ наогул разглядаюць Рэспубліку Беларусь як брацкую краіну», - заявіў Мнангагва.
Лукашэнка параўнаў сённяшнія праблемы Зімбабвэ з праблемамі, якія перажывала Беларусь больш за 20 гадоў таму, і выказаў сваю падтрымку.
Лукашэнка заявіў, што з вялікім задавальненнем наведае Зімбабвэ, але толькі пасля рэалізацыі «чатырох-пяці канкрэтных праектаў».