Прэзідэнт Польшчы абвясціў нацыянальную жалобу пасля забойства мэра Гданьска
- 17.01.2019, 19:05
- 7,217
ФОТА: RENATA DĄBROWSKA
Павел Адамовіч быў смяротна паранены на дабрачынным канцэрце 13 студзеня.
Прэзідэнт Польшчы Анджэй Дуда абвясціў нацыянальную жалобу ў сувязі з забойствам мэра Гданьска Паўла Адамовіча.
Пра гэта ён паведаміў на сваёй Twitter-старонцы.
«У сувязі з трагічнай смерцю спадара Паўла Адамовіча - мэра горада Гданьска - я абвясціў нацыянальную жалобу на тэрыторыі Польскай рэспублікі з 17:00 18 студзеня 2019 года да 19:00 19 студзеня 2019 года», - напісаў Дуда.
W związku z tragiczną śmiercią Pana Pawła Adamowicza - Prezydenta Miasta Gdańska zarządziłem żałobę narodową na terytorium Rzeczypospolitej Polskiej od dnia 18.01.2019 roku od godz. 17:00, do dnia 19.01.2019 roku do godz. 19:00. Wszystkich proszę o właściwe uszanowanie żałoby.
— Andrzej Duda (@AndrzejDuda) 17 января 2019 г.
Адамовіч быў смяротна паранены на дабрачынным канцэрце 13 студзеня. Нападнік, 27-гадовы Стэфан (прозвішча не раскрываецца), выбег на сцэну і некалькі разоў ударыў мэра нажом, выказаўшы, што незаслужана адбываў пакаранне ў турме. Мужчына быў затрыманы і сваю віну не прызнаў.
Адамовіч быў дастаўлены ў бальніцу, але праз некалькі гадзін памёр ад атрыманых ран.
