У Нарвэгіі стварылі гістарычны ўрад большасці

Прэм'ер-міністарка краіны стварыла кааліцыю з чатырох партый.

Прэм'ер-міністарка Нарвэгіі Эрна Сальбэрг (Кансерватыўная партыя) далучыла 17 студзеня невялікую партыю "Хрысціянскія дэмакраты" да свайго ўраду з трох партый, што зрабіла яго першым урадам большасці ў Нарвэгіі з 1985 года.

Пра гэта піша EUobserver.

Спрабуючы прывабіць "Хрысціянскіх дэмакратаў" у кааліцыю, Кансерватыўная партыя Сальбэрг пачала абмеркаванне аб больш жорсткіх законаў аб абортах у сувязі з "развіццём біятэхналогій".

"Хрысціянскія дэмакраты" выступаюць за абмежаванні на аборты, хочуць забараніць перарываць цяжарнасць пасля 12 тыдняў, за выключэннем выпадкаў, калі гаворка ідзе пра прыроджаныя заганах або пагрозу жыццю. Таксама павінны змяніцца правілы лячэння бясплоддзя. У лістападзе тысячы людзей ва ўсёй Нарвэгіі ўзялі ўдзел у дэманстрацыях супраць абмежаванняў на аборты.

"Хрысціянскія дэмакраты" маюць толькі 8 крэслаў у 169-мясцовым парламенце, аднак часта надаюць вызначальную дапамогу кааліцыі меншасці, пачынаючы з 2013 года.

Маючы большасць за спінай (да кааліцыі таксама належыць правая антыімігранцкая Партыя прагрэсу і лібералы), Сальбэрг будзе мець больш сіл, каб рэалізаваць сваю праграму зніжэння падаткаў і вываду эканомікі Нарвэгіі з-пад нафтавай залежнасці.