Відэафакт: Кіроўцы спыніліся на праспекце ў Менску, каб прапусціць пешахода з кіем

Калі аўтамабілісты павялі сябе як трэба.

Менскія кіроўцы могуць паводзіць сябе па-рознаму: часам дрэнна, часам добра. Чытач Onliner з нікам xpishka распавёў гісторыю, калі аўтамабілісты павялі сябе як трэба, а таксама апублікаваў відэа пра чалавечнасць Менску.

- 10 студзеня ў гадзіну пік я стаяў на святлафоры на Партызанскім праспекце. Краем вока я заўважыў чалавека з кіем, які павольна ішоў праз дарогу ўжо на забараняльны сігнал святлафора. За мной была вялікая чарга аўто ва ўсіх палосах. Было відавочна, што пешаход мае праблемы з рухальным апаратам. Я рэзка затармазіў, каб даць мужчыну магчымасць скончыць пераход, аўто ў суседняй паласе таксама спынілася. Што дзіўна, ніхто з аўтамабілістаў ззаду не засігналіў, маўляў, чаго спыніліся, бо быў цёмны час дня і кіроўцы, хутчэй за ўсё, маглі не бачыць, што адбываецца наперадзе. Я і сам з цяжкасцю заўважыў гэтага пешахода, - распавёў xpishka.

- Увогуле, я рады, што супольнасць аўтамабілістаў у Менску паступова становіцца адэкватнай, што сталі менш праяўляць агрэсіі на дарогах. Гэта паказчык, трэба і далей так прадаўжаць, - упэўнены чытач.

Пункт 119 ПДР: «Усюды, у тым ліку і па-за пешаходнымі пераходамі, кіроўца павінен саступіць дарогу пешаходу - інваліду па зроку, які падае сігнал кіем белага колеру альбо кіем з пакрыццём павышанай бачнасці, у тым ліку са святлоадбівальнымі элементамі (элементамі). Кіроўца павінен быць гатовы знізіць хуткасць руху або спыніцца, каб выключыць магчымасць наезду на такіх удзельнікаў дарожнага руху, а таксама дзяцей і пешаходаў з бачнымі парушэннямі апорна-рухальнага апарата».