18 лiпеня 2019, Чацвер, 23:24
Мы ў адной лодцы
Рубрыкі

Лукашэнка: Мы не супраць агульнай валюты з Расеяй

96

Дыктатар заявіў, што ён не супраць «аб'яднання з Расеяй».

Лукашэнка назваў умовы, на якіх магчымае развіццё саюзнага будаўніцтва з Расеяй, у тым ліку ўвядзенне адзінай валюты, уніфікацыя падатковай і мытнай палітыкі.

Пра гэта ён заявіў сёння на сустрэчы напярэдадні 100-годдзя беларускай дыпламатычнай службы, на якой прысутнічалі міністры замежных спраў, якія ў розны час узначальвалі МЗС Беларусі, паведамляе карэспандэнт БелТА.

«Саюз - калі ласка. Аб'яднанне - калі ласка, але толькі гэта людзі павінны вызначыць, а не мы. Мы не адмаўляемся ад аніводнага тэзіса. Калі хтосьці мне пачынае гаварыць пра аб'яднанне, то ізноў жа з даху: давай валюту агульную.

Мы не супраць агульнай валюты, але гэта павінна быць агульная валюта, а не валюта Цэнтрабанка Расеі. Павінен быць эмісійны цэнтр, створаны на роўных умовах. Калі вы прыводзіце прыклад ЕЗ, добра - на прынцыпах Еўразвязу. Але каб умовы былі роўныя і падыход», - заявіў дыктатар.

«Вы хочаце падатковую, мытную палітыку ўніфікаваць? Згодны. Таксама сказаў у мінулы раз: але на найлепшых традыцыях і ўмовах, возьмем усё найлепшае ў беларусаў і расейцаў. Але не так: мы - вялікія, вы - малыя, давайце рабіце так, як у нас», - заявіў Лукашэнка.