Кіраўнік МЗС Нямеччыны: Праход праз Керчанскую пратоку ўжо адкрыты
10- 18.01.2019, 16:40
- 17,204
Судны могуць вольна праходзіць праз Керчанскую пратоку.
Пра гэта заявіў у пятніцу міністр замежных спраў Нямеччыны Хайка Маас, паведамляе "Европейская правда" са спасылкай на Reuters.
«Керчанская пратока цяпер вольная - гэта тое, што кажуць усе датычныя», - сказаў Маас падчас візіту ў Маскву.
Як вядома, з другой паловы красавіка мінулага года расейскія памежнікі пачалі затрымліваць замежныя і ўкраінскія судны, якія накіроўваюцца праз Керчанскую пратоку ва ўкраінскія парты ці з іх у Азоўскім моры.
25 кастрычніка Еўрапарламент заклікаў РФ неадкладна спыніць інтэнсіўныя і дыскрымінацыйныя інспекцыі суднаў, а Рада ЕЗ - разгледзець адпаведныя контрзахады.
25 лістапада 2018 года ў раёне Керчанскай пратокі расейскія памежнікі абстралялі ўкраінскія вайсковыя судны і захапілі два малыя браняваныя артылерыйскія катэры і рэйдавы буксір разам з 24 маракамі, трое з якіх атрымалі раненні.