Балгарыя выдала ЗША расейскага махляра
2- 19.01.2019, 13:04
- 11,018
Балгарыя экстрадавала ў ЗША грамадзяніна РФ, які падазраецца ў кібермахлярстве на 7 мільёнаў даляраў.
Пра гэта паведамілі ў амбасадзе РФ у ЗША са спасылкай на інфармацыю пракурора Усходняй акругі Нью-Ёрка.
Расеец А.Жукаў, які абвінавачваецца ў «змове з мэтай учынення кампутарнага махлярства», быў экстрадаваны 18 студзеня, змяшчаецца ў турме Брукліна.
«Найбліжэйшым часам супрацоўнікі генконсульства РФ наведаюць Жукава і акажуць неабходнае консульскае садзейнічанне», - заявілі ў пасольстве.
Як паведамляе «Дождь», ЗША завочна выставілі абвінавачванне Жукаву і яшчэ пецярым расейцам і двум грамадзянам Казахстана ў лістападзе 2018 года.
Як пісаў «Коммерсантъ», Жукаў вядомы ў хакерскім асяроддзі пад нікам Nastra і яго падазраюць у накрутцы праглядаў рэкламных ролікаў. Шкоду ацэньваюць у 7 мільёнаў даляраў.
У ЗША Жукаву пагражае 20 гадоў пазбаўлення волі, аднак калі ён перадасць ФБР і пракуратуры звесткі на яго кліентаў, ён можа пазбегнуць буйнога тэрміну.
Паводле звестак СМІ, у 2010 годзе Жукаў пераехаў у Балгарыю і праз пасрэднікаў у ЗША стаў атрымліваць «замовы» на накрутку праглядаў рэкламных відэаролікаў з дапамогай ботаў. Жукаў накручваў прагляды з дапамогай закупленых сервераў. Пазней рэкламныя кампаніі зразумелі, што сталі ахвярамі махлярства і звярнуліся ў паліцыю.