На баі расейскага баксёра ў ЗША замест гімна Расеі ўключылі гімн СССР

Расейская каманда абурацца не стала.

На баі паміж амерыканцам Дэметрыусам Андрадэ і расейцам Артурам Акавовым пераблыталі гімны. Замест расейскага ўключылі версію гімна СССР са словамі, піша korrespondent.net.

Інцыдэнт адбыўся перад пачаткам паядынку, калі спартоўцы ўжо выйшлі на рынг. Расейскі бок абурацца не стаў і гімн дайграў да канца.

Адзначым, што паядынак адбыўся ў Нью-Ёрку і завяршыўся перамогай Андрадэ тэхнічным накаўтам у 12-м раўндзе.