Як студэнт з Менска за паўтара месяца скінуў 15 кілаграмаў

Здаровы лад жыцця змяніў жыццё Аляксея Улазоўскага.

Мянчук Аляксей Улазоўскі падзяліўся з tut.by гісторыяй пра тое, як паставіў перад сабой мэту схуднець да Новага года, але здолеў нават хутчэй.

- Я вучуся ў Інстытуце інфармацыйных тэхналогій БДУІР. Будучы студэнтам, цяжка адмовіцца ад хуткіх перакусаў, студэнцкіх тусовак і алкаголю. Але, як той казаў, «усе праблемы мы самі ствараем сабе ў галаве. Калі ёсць жаданне нешта зрабіць, вы гэта зробіце».

З сябрам мы жартавалі, што я спрабаваў худнець чатыры гады, але ў выніку станавіўся ўсё большым. Кожная мая спроба заканчвалася зрывам. Комплексаў у мяне ніколі не было, я не перажываў праз меркаванне навакольных, але разумеў, што павінен схуднець для сябе. Увесь час млявасць, стомленасць і цяжар не давалі мне спакойна жыць.

У сярэдзіне кастрычніка я наважыў: альбо цяпер, альбо ніколі. Паставіў перад сабой мэту: схуднець да Новага года і важыць 31 снежня не больш за 75 кг. У кастрычніку мая вага была 89 кг пры росце 172 см.

Для большасці сакрэт пахудзення просты да вар'яцтва. Але трэба ўлічваць свае асаблівасці арганізма. Я падумаў, што буду правільна харчавацца пяць разоў на дзень: напрыклад, першы сняданак - аўсянка на вадзе з лыжкай мёду і жменяй арэхаў; перакус - яблык і філіжанка кавы; абед - рыс з курыцай; 2-і перакус - лустачку хлеба, сырок, кансерваваны тунец; вячэра - тварог. Пасля шасці я не еў, толькі піў ваду - але і гэтага за гадзіну да сну стараўся не рабіць. Я пачаў трэніравацца: бег, скакалка, турнік, адцісканні, практыкаванні з гантэлямі. Каб схуднець, трэнажорная зала не патрэбная! Хадзіў пешшу, калі гэта толькі было магчыма.

Я паставіў перад сабой мэту схуднець на 14 кг за 2,5 месяца. У галаве гэта не вельмі ўкладвалася. Няўжо я змагу? Але ўявіце: станаўлюся на шалі 30 лістапада, праз паўтара месяца, і бачу - 74 кг. Мінус 15 кг за паўтара месяца без галадання! Я нават не ведаў, што рабіць далей: да Новага года быў яшчэ цэлы месяц!

Цяпер добрай мэтай будзе набіраць цяглічную масу, станавіцца недалугам я не збіраюся.