Пуцін паведаміў аб выніках сустрэчы з Абэ што да мірнай дамовы з Японіяй

Перамовы расейскага прэзідэнта і японскага прэм'ера доўжыліся больш за тры гадзіны.

Прэзідэнт РФ Уладзімір Пуцін на прэс-канферэнцыі пасля перамоваў з прэм'ер-міністрам Японіі Сіндзо Абэ заявіў, што сустрэча прайшла «ў пазітыўным ключы, дзелавой і канструктыўнай атмасферы». Пра гэта паведамляе карэспандэнт РБК. Перамовы Пуціна і Абэ прадаўжаліся больш за тры гадзіны.

Прыярытэтную ўвагу Пуцін і Абэ надалі развіццю гандлёва-эканамічных сувязяў Расеі і Японіі. Пасля перамоваў Пуцін заявіў, што ўважае за магчымае павелічэнне тавараабарачэння паміж дзвюма краінамі да $30 млрд.

Прэзідэнт РФ і прэм'ер Японіі таксама абмеркавалі ўкладанне мірнай дамовы што да вынікаў Другой сусветнай вайны. Са слоў Пуціна, яны пацвердзілі сваю зацікаўленасць у падпісанні пагаднення. «Наперадзе карпатлівая праца для выхаду на ўзаемапрымальнае развязанне», - сказаў Пуцін. Умовы для мірнай дамовы павінны быць прымальныя для абедзвюх краін і падтрыманыя грамадствам, дадаў ён.

Таксама бакі дамовіліся прадоўжыць намаганні для развіцця супольнай гаспадарчай дзейнасці на Курылах у пяці кірунках.

У сваю чаргу, Сіндзо Абэ назваў сустрэчу з Пуціным «выдатным стартам двухбаковых стасункаў» у 2019 годзе.