Захоп самалёта ў РФ: з'явілася відэа штурму лайнера
17- 22.01.2019, 19:33
- 41,037
Пасажыр самалёта рэйса Сургут-Масква захапіў лайнер і патрабаваў ляцець у Афганістан.
Расейскія сілавікі затрымалі пасажыра самалёта рэйса Сургут-Масква, які захапіў лайнер і патрабаваў ляцець у Афганістан. Відэа штурму самалёта «Аэрафлота» апублікавалі ў Telegram-канале Mash.
Падчас затрымання захопніка «Боінга» сілавікі разрадзілі яго пісталет. Зброя ў злачынца была з самага пачатку, так кажа адзін з пасажыраў, які сядзеў на суседнім крэсле. Як яму ўдалося пранесці ствол на борт - пакуль незразумела, паведамляе inforesist.org.
СК распачаў крымінальную справу. Артыкул: згон паветранага судна, спалучаны з пагрозай прымянення гвалту.
«Наш сябар Павел быў п'яны, падчас палёту спрабаваў прарвацца ў кабіну пілота і крычаў, што ў яго пры сабе зброя. Пры гэтым мужчына сапраўды патрабаваў змяніць курс», - гаворыцца ў паведамленні.
Яшчэ адно відэа затрымання. Сілавікі ўжо ў салоне, яны крычаць, вяжуць захопніка, забіраюць у яго пісталет. У сярэдзіне аперацыі раздаецца спакойны голас камандзіра судна.
«Дамы і спадары. Неадкладна ўсім заняць свае месцы», - кажа ён.
Затрыманне зламысніка пасажыры суправадзілі апладысментамі. Праўда, яны дагэтуль не разумеюць, што адбылося на борце.
У Следчым камітэце РФ паведамілі, што захопнікам лайнера аказаўся раней судзімы за псаванне маёмасці жыхар Сургута. Ён знаходзіўся на борце «Боінга» ў стане алкагольнага ап'янення і пагражаючы, што ў яго ёсць зброя, паспрабаваў прарвацца ў кабіну пілотаў з патрабаваннем змяніць курс палёту.
На гэты момант расейскія следчыя шукаюць усе абставіны здарэння.