Караліна Плішкова здзейсніла неверагодны камбэк і выбіла Серэну Уільямс з Australian Open
7- 23.01.2019, 10:30
- 11,953
У паўфінале Плішкова згуляе супраць японкі Наомі Асакі.
Чэшская тэнісістка Караліна Плішкова падолела Серэну Уільямс у чвэрцьфінале Australian Open - 6:4, 4:6, 7:5. Для гэтага ёй давялося прадэманстраваць уражальную сілу волі, паведамляе tut.by.
У першы сэце Плішкова перамагла дзякуючы брэйку ў трэцім гейме, які стаў адзіным у партыі.
Наступны сэт з тым жа лікам 6:4 ужо быў за Уільямс. Вызначальны бал амерыканка здабыла з дапамогай брэйка ў апошнім гейме.
Але самыя цікавыя падзеі развіваліся ў трэцяй партыі. Пасля двух запар брэйкаў Серэна Уільямс вяла 5:1 і падавала на матч. Падчас гейму ў яе быў матч-пойнт, але Плішкова не толькі адгуляла яго, але і ўзяла падачу амерыканкі.
Адразу ж пасля гэтага чэшка ўзяла сваю падачу і зрабіла яшчэ адзін брэйк «пад нуль» - 4:5. Па-сапраўднаму драматычным выйшаў дзясяты гейм. Спачатку Караліне давялося адгуляць двайны матч-пойнт, пасля чаго ў Серэны быў яшчэ адзін шанец. Але і на гэты раз Плішкова здолела выратавацца, усё ж вырваўшы бал.
Адзінаццаты гейм стаў сапраўднай катастрофай для Серэны. Яна другі раз запар не змагла перамагчы на падачы ніводнага розыгрышу - 6:5.
Нарэшце, у апошнім гейме Плішкова вяла 40:0, Уільямс адыграла два матч-пойнты, але з трэцяй спробы чэшская тэнісістка ўсё ж такі аформіла перамогу ў матчы - 7:5.
Для гэтай вікторыі ёй давялося зрабіць тры запар брэйкі і адыграць чатыры матч-бола. Адзначым, што за ўсю гульню Караліна Плішкова не зрабіла ніводнай двайной памылкі (у Серэны іх было чатыры) і здзейсніла ўсяго 15 нявымушаныя памылак супраць 37 у спаборніцы.
«Пры ліку 1:5 мая галава ўжо была ў раздзявальні, а цела яшчэ на корце. Серэна ладна гуляла, шанцаў у мяне амаль не было. Я была падаўленая, але ўсё ж такі прымусіла сябе яшчэ трохі пазмагацца. Пасля першага брэйка Серэна трохі вагалася, а я ж, наадварот, ухапілася за свой шанец», - падае словы Плішковой афіцыйная старонка Australian Open у твітэры.
У паўфінале Плішкова згуляе супраць японкі Наомі Асакі.