У Грузіі хачапуры прызналі помнікам культурнай спадчыны
- 24.01.2019, 12:51
- 8,109
Страва стала візітнай карткай краіны.
У Грузіі афіцыйна прызналі помнікам нематэрыяльнай культурнай спадчыны традыцыйны пірог з сырам хачапуры.
Адпаведны загад выдаў кіраўнік Агенцтва аховы культурнай спадчыны Нікалаз Антыдзэ, паведамляе Навіны Грузія.
У ведамстве падкрэсліваюць, што хачапуры з'яўляюцца найважнейшым кампанентам грузінскай кухні.
"Гэта страва стала візітнай карткай грузінскай кулінарнай культуры, а таксама часткай грузінскага рацыёну харчавання і рытуалу", - сказана ў распараджэнні.
Акрамя таго, у агенцтве мяркуюць, што прысваенне традыцыйнай страве статусу помніка культурнай спадчыны дапаможа папулярызацыі нацыянальнай кухні і культуры Грузіі.