Відэафакт: На М10 дарожнікі прама з кузава сыплюць у ямы з вадой асфальтавую крошку

На пытанне мужчыны, што адбываецца, дарожнік адказаў, што гэта «часовая ліквідацыя ям».

Відэа, як гомельскія дарожнікі прама з кузава закідваюць ямы на трасе М10 асфальтавай крошкай, з'явілася 3 студзеня на сайце баранавіцкай газеты Intex-press і выклікала абурэнне карыстальнікаў Сеціва. Сітуацыю tut.by пракаментавалі ў РУП «Гомельаўтадар».

Відэа рамонту дарожнага пакрыцця зняў кіроўца на трасе М10 у Гомельскай вобласці. На роліку бачна, як рабочыя кідаюць з прычэпа асфальтавую крошку ў ямы ля абочыны, у якіх стаіць вада. На пытанне мужчыны, што адбываецца, дарожнік адказаў, што гэта «часовая ліквідацыя ям».

- Пакуль вільготнае надвор'е - на пакрыцці шмат вады, а ямы ёсць. Іх трэба нейкім чынам прыбіраць. Вось да таго, як маразы падсушаць трошкі пакрыццё, мы часам выкарыстоўваем такі метад. (...) Надвор'е нам пакуль не дазваляе працаваць паводле тэхналогіі. Выкарыстоўваць матэрыял, які праз надвор'е разваліцца праз два дні, - гэта таксама няправільна. Гэта часовая, выключная мера. Некалькі разоў на сезон нам даводзіцца так рабіць, калі нельга па-іншаму, - паведаміў генеральны дырэктар РУП «Гомельаўтадар» Ігар Матвецаў.