Медыкі з Кембрыджскага ўніверсітэта распавялі пра карысць піва

Піва выявілася вельмі карысным для здароўя.

Медыкі сцвярджаюць, што выпіваючы адзін кухаль піва на дзень, чалавек такім чынам забяспечыць сабе моцнае здароўе. Са слоў навукоўцаў, піва ў невялікай колькасці станоўча ўплывае на сэрцава-судзінную сістэму і дапаможа папярэдзіць развіццё розных захворванняў, піша сайт politeka.net.

Спецыялісты з Кембрыджскага ўніверсітэта, прааналізаваўшы звесткі больш чым двух мільёны здаровых брытанцаў, прыйшлі да высновы, што сярод той групы людзей, якія ўжывалі алкаголь у невялікай колькасці, прыкмет захворванняў, звязаных з сэрцава-судзіннай сістэмай мелі значна менш.

«З пункту гледжання біялогіі, людзі, якія п'юць няшмат, як правіла, маюць больш нізкі ўзровень запаленняў або павышаны ўзровень добрага халестэрыну. Але некаторыя мяркуюць, што гэтыя людзі проста самі па сабе больш здаровыя і сацыяльна ўцягнутыя, што прыводзіць да паніжэнне ўзроўняў розных тыпаў сардэчных захворванняў, то бок, спіртное ні пры чым», - цытуе выданне словы доктара Стывена Бэла, які праводзіў гэтае даследаванне.

Такім чынам, людзі, якія рэгулярна ўжываюць піва ў малых дозах, могуць пазбегнуць развіцця інсульту. А вось тыя, хто не ўжывае алкаголю наогул, паводле высноваў навукоўцаў, могуць пакутаваць ад стэнакардыі, сардэчнай недастатковасці або інфаркту і захворванняў перыферычных артэрый.

Аднак пазбаўленне ад гэтых хвароб палягае не толькі ва ўжыванні піва, лекары раяць таксама перагледзець свой рацыён харчавання.