Ірына Касцевіч пра «дармаедаў»: Мы не паставілі тлустую кропку
145- 4.01.2019, 12:54
- 80,081
Улады прадаўжаюць працаваць над дэкрэтам.
Міністара працы Ірына Касцевіч закранула тэму дэкрэта аб «дармаедаў» і заявіла, што праца над дэкрэтам прадаўжаецца, піша tut.by.
- Будзем удасканальваць сам нарматыўна-прававы акт. Гэта працэс працы. Мы не паставілі тлустую кропку, - сказала міністарка. Пры гэтым Ірына Касцевіч адзначыла станоўчыя бакі базы звестак аб незанятых у эканоміцы.
- Чым добрая база не занятых у эканоміцы - унікальны інструмент, што адбываецца на рынку працы, - сказала міністр. - Мы ўбачылі новыя кірункі занятасці чалавека. База - механізм, які дапаможа па-іншаму зірнуць у сітуацыю на рынку працы.
Нагадаем, што беларусы, якія працуюць за мяжой, аўтаматычна трапляюць у «дармаеды». Складаць спісы будуць адмысловыя камісіі, якія працуюць з асабістай інфармацыяй беларусаў.
Не раз заяўлялася аб тым, што «дармаеды» будуць аплачваць і іншыя паслугі, якія субсідуюцца дзяржавай, а «незанятых у эканоміцы беларусаў» палохалі ЛПП.
Нагадаем, што папярэдняя версія «дармаедскага дэкрэта» выклікала масавыя пратэсты, якія экспэрты называюць самымі маштабнымі ў Беларусі з часоў «перабудовы».