Фотафакт: Бабруйскі будаўнік зарабіў -11 рублёў
10- 4.01.2019, 16:20
- 39,316
Цікавая арыфметыка ад бабруйскага будтрэста.
У рэдакцыю Сharter97.org звярнуўся працаўнік аднаго з будтрэстаў горада Бабруйска. Чытач падзяліўся сваім разліковым лістом.
За 20 рабочых дзён работнік бабруйскага прадпрыемства атрымаў 260 рублёў 45 капеек. Пасля таго, як у рабочага ўтрымалі аліменты сумай 270,54 рубля, у графе «да выплаты» атрымалася сума - 10,9 рублёў. Атрымліваецца, што на беларускіх прадпрыемствах можна не толькі нічога не зарабіць, а сысці ў мінус.
Дарэчы, згодна з Працоўным Кодэксам, сума ўсіх вылікаў не можа перавышаць 20 адсоткаў, а ў выпадках, прадугледжаных заканадаўствам аб выканаўчай справе, - 50 адсоткаў заробку, які належыць да выплаты работніку.