Напярэдадні Калядаў: што можна рабіць у гэты дзень

6 студзеня праваслаўныя хрысціяне адзначаюць ноч перад Калядамі - Куццю.

Гэта заключны дзень Каляднага посту і самы строгі: менавіта ў гэты дзень нельга есці да першай зоркі. На гэтае ж свята вараць куццю і пачынаюць калядаваць, піша «Апостроф».

У 2019 годзе праваслаўная Куцця выпала на нядзелю.

Што робяць перад Калядамі - на Куццю

Гэта свята сямейнае - калі за стол садзяцца ўсёй сям'ёй, і галава сямейства запальвае свечку на стале, як сімвал Віфліемскай зоркі, што апавясціла свет пра нараджэнне Збаўцы.

Перад гэтым рыхтуюць роўна 12 посных страў - па колькасці апосталаў Хрыста, якіх яны сімвалізуюць. Абавязковая страва - куцця.

Трапезу пачынаюць з малітвы «Ойча наш». Затым гаспадар абыходзіць кожнага сямейніка, частуе яго просвірай або кавалкам хлеба з мёдам - і зычыць яму нешта добрае. Пасля чаго ўсе каштуюць патроху ад кожнай стравы - каб год быў сытым і ўдалым. Таксама за сталом памінаюць памерлых.

Акрамя таго, прынята дзякаваць жывёлам у гэты вечар.

Куцця - гэта не толькі традыцыі, звязаныя з ежай. Гэты час задумацца пра душу і падзякаваць Богу за ўсё добрае, што пасланае звыш.

Куцця 2019: што нельга рабіць

У Куццю жанчыны не прыбіраюць, не шыюць, не пяруць і нават не выносяць смецце. Мужчыны ж не ходзяць паляваць ці рыбачыць.

Таксама ўважаецца, што ў гэтае свята нельга:

- з’язджаць у далёкую дарогу - гэта сямейнае свята і яго трэба адзначаць дома;

- пакуль доўжыцца святочная вячэра - гучна і часта размаўляць, а таксама ўставаць з-за стала і выходзіць з дому - каб не ўпусціць нячыстую сілу ў жыллё;

- з'ядаць за сталом стравы цалкам - а то год пройдзе надгаладзь;

- запіваць стравы вадой - толькі узварам;

- сварыцца і брыдкасловіць, асабліва ў гасцях або за святочным сталом;

- апранаць старое адзенне, асабліва ірванае.

Акрамя таго, Царква забараняе гадаць у гэты дзень.