Беларусь заваліла снегам
3- 5.01.2019, 17:16
- 17,663
З ночы мяце завіруха.
Траса М4 Менск - Магілёў уважаецца адной з найлепшых дарог у Беларусі: дзве паласы ў кожны бок, ідэальны асфальт. Але раніцай 5 студзеня і па ёй можна было ехаць з вялікай асцярогай, паведамляе «Белсат».
У Беларусі з ночы занялася завіруха. Па трасе М4 Менск - Магілёў ехаць раніцай ў суботу можна было з вялікай асцярожнасцю - часам дарогі наогул не было відаць.
З аднаго боку, ехаць небяспечна - на снезе машыну моцна носіць. З іншага, вакол такая прыгажосць! За акном не відаць лініі гарызонту - паўсюль бель.
А 10 гадзіне раніцы тэхніка яшчэ не паспела пачысціць трасу ад Менска да Бялынічаў, таму ехаць трэба было з вялікай асцярогай.
Ехаць больш за 70 км/г кіроўцы баяліся. Пры абгоне хуткасць скідалі абодва кіроўцы да 50-60 км/г. Больш-менш упэўнена ехаць можна было толькі па адной паласе з двух, на якой быў бачны асфальт.
Іншая паласа была цалкам заснежаная і таму небяспечная, пасля выезду на яе аўто моцна кідала з боку ў бок.
Адрэзак М4 ад Бялынічаў да Магілёва найлепш пачышчаны, на ім можна спакойна прытрымлівацца сярэдняй хуткасці 100 км/г.
На ўсім працягу трасы стаяла шмат аўто на аварыйцы. Таксама шмат працавала камунальнай тэхнікі.
Спадзяёмся, дарогу ўжо пачысцілі, і цяпер на ёй ехаць стала больш бяспечна. Паважаныя кіроўцы, памятайце, што пры снегападзе трэба быць вельмі ўважлівымі за стырном. Не забывайце ўключаць блізкае святло і прытрымлівацца бяспечнай хуткасці і адлегласці ад іншых аўто. Добрай дарогі!
За акном не відаць лініі гарызонту - паўсюль бель.